نشر النائب بمجلس النواب أنور بالشاهد تدوينة على صفحته الرسمية على الفيسبوك عبر من خلالها على ما يسببه "بزناسة "  حلق الواد ( الأشخاص الذين يتعرضون إلى المسافرين من خارج الميناء للحصول على بقشيش غصباً) من قلق و عدم إرتياح للمسافرين خاصةً فترة عودة الجالية بالخارج الذين يشعرون بعدم أمان وهذا ما جاء في تدونته   

الناس الي تروح بالباطو تعرف هاك البزناسة الي يجيك و انت داخل للبرط في حلق الواد هات باسبورك هات وراقك على انو باش يعاونك تطبعهم و ساعات يضيع الأوراق و يخليك واحل غادي و أغلب الوقت تلقاهم يدزو باش يتعداو قبل العباد و يا ويلو الي يتعرضلهم، حتى الي يرفض يتعامل معاهم ساعات يسبوه و يقشتلوه. عندنا عام ملي طلبنا من وزارة النقل انها تسيج الباركينغ و محيط للبرط اما زادة حتى وزارة الداخلية مسؤولة على تأمين محيط البرط و تأمين كل تجمع بشري في مكان ما كان لزم تعمل دورية قارة غادي خاصة في الصيف. الحمالة موضوع آخر و لازمو يتحل هو زادة