البلدان المعنية:

طبيعة التخفيضات:

1 تخفيض بقيمة 30 بالمائة على السعر الادنى الخاص بتعريفة العامل حسب الشروط التالية:

* فترة الشراء : من 10 الى 25 افريل 2018

* فترة السفر الى تونس : من 01 جوان الى 23 اوت  2018

* مدة الإقامة في تونس: مدة لا تتجاوز 3 اشهر

2 التخفيضات المخصصة للشباب :

*  90 بالمائة تخفيض بالنسبة للرضع اللي عمرهم ما يفوتش عامين

* 33 بالمائة تخفيض بالنسبة للأطفال اللي عمرهم بين عامين و  اقل من18 سنة

* 25 بالمائة تخفيض بالنسبة للشباب اللي عمرهم من 18 سنة وما يفوتش 26 سنة.

3 تخفيض بقيمة 40 بالمائة بالنسبة للعائلات حسب الشروط التالية:

* العائلات اللي ينجمو يتمتعو بالتخفيض هوما العائلات اللي يتكونو على الأقل من 2 كبار (بالغين) و 1 طفل ولا رضيع

* فترة الشراء: من 16 افريل الى 30 افريل 2018

* فترة السفر : من 1 جوان الى 23 أوت 2018 (الرجوع الأخير)

مزايا التعريفات:

*  كل مسافر ينجم يهز باقاج يوصل حتى 32 كغ (تنجم تقسمهم على 2 فاليجات ولا سيكان) في بلاصة 23 كغ.

* تخفيض بقيمة 33 بالمائة على التعريفة العادية المخصصة للأطفال اللي عمرهم ما يفوتش 18 سنة’

* تخفيض بقيمة 90 بالمائة على التعريفة العادية المخصصة للأطفال اللي عمرهم ما يفوتش عامين

* تخفيض بقيمة 25 بالمائة بالنسبة للشباب اللي عمرهم مايفوتش 26 سنة.

4 مزايا إضافية:

* الباقاج اللي تنجم تقيدو و ما تطلعوش في يديك و اللي ينجم يكون في فاليجا ولا 2 ينجم يوزن على الاكثر 32 كغ.

* الباقاج اللي تنجم طلعو معاك في يديك ينجم يوصل حتى ل 10 كغ في بلاصة 8 كغ.

منين تنجم تشري التساكر؟

* العرض متوفر حسب البلايص المتوفرة : 25000 بلاصة إضافية مقارنة بطاقة الاستيعاب المعتادة خصصت لهذه الحملة الترويجية.

* التعريفات الخاصة بالتخفيضات موش متوفرة على الانترنت – لازمك تمشي على عين المكان لأحد وكالات الخطوط التونسية ولا لحد معترف بيه يبيع التساكر.