Nord Tunisien

5 أماكن تستحق الزيارة في الشمال التونسي

ALLOBLEDIالأربعاء 3 نوفمبر 2021 - 16:20

تونس الخضراء جميلة و شمالها من أفضل الأماكن إلي تطل على البحر الأبيض المتوسط  إلي تجم تزورها من حيث المناخ والمناظر الطبيعية و الهواء النقي ، تحير كيف تخمم بش تزور بلاصة فيه ،وتقعد تخمم وين باش تمشي زعمة شرق؟ زعمة غرب؟ ولا تخير هذا على هذا وتحط عينك على بنزرت وزغوان ونابل وتزيد تحير كيف تتفكر باجة وجندوبة وسليانة والكاف ومعتمدياتهم الجميلة ، احنا في العدد هذا باش نخيروكم بين 5 مناطق تجموا تزوروها في الشمال التونسي.

 

1-  بني مطير 

بلاصة مزيانة في الشمال الغربي قرية صغيرة تتبع  تحديدا  ولاية عين دراهم ، تجي في هضبة عالية وتبعد 170 كلم على العاصمة تونس ، تستهوي أحباء الطبيعة وعشاق الهدوء و الجمال الرباني الساحر ،بين أشجار الكلاتوس والصنوبر إلى تتميز بعلوها وظلها في السخانة تظلل وتخبي الشمس وفي فصل الشتاء تحميك من المطر.

بني مطير وين تجم تتنفس هواء نظيف و تملي صدرك بشهقة كبيرة , في بني مطير نجموا نباتوا تحت خيمة بطبيعة بعد مانعلموا السلطات الأمنية باش تحمينا وتفقدنا ، ونهزوا لوازمنا من ماكلة و إلي نستحقوه كما نجموا نختاروا حاجة مرتاحة ونباتوا في إحدى البيوت الخشبية إلي قام بها تونسي فقط ندفعو مبلغ مالي زهيد وين نلقاوا كل وسائل الراحة و الحماية. 

 

2-  جبل برقو 

جبال برقو من ولاية سليانة في الشمال الغربي التونسي 115 كيلومتر في حدود الساعة و 45 دقيقة نستغرقو في الثنية باش نوصلولو, كيف أي جبال أخضر يفوح بريحة الكليل والزعتر والشيح والصنوبر ، لكن تاريخو النضالي يخليه متميز ومتفرد ويحظى بطابع خاص.ولهنا نحكيو على أشهر معركة في تونس معركة جبال برقو أو "معركة الربع ساعة الأخيرة ",إلى قام بيها مناضلين توانسة ضد الإستعمار الفرنسي سنة 1954 و إلي أجبرت المستعمر الفرنسي أنو يتفاوض على الإستقلال مع تونس .

في جبال برقو تجم تعدي نهار تدور وتكتشف و تتمتع بالمنظر الجميل للجبل هذا وشاسعته ، وكان لزم تاكل من حشائشوا الجبلية الاخرى ، بلاصة لازم أي شخص يحب يتنفس هوي نظيف ويشوف لخضار ويمارس نشاط بدني ويحرك بدنو إنو يزورها ويتمتع بسحرها و علاش لا يطيب فطورو في الطبيعة و على ريحة الحطب البنينة .

 

3- تستور 

  تستور المدينة المورسكية التابعة لولاية باجة ولي لها تاريخ كبير وجميل وفي كل بلاصة فيها وكل تفصيلا قصة وحكاية ، تستور مدينة الرمان "فاكهة الجنة" إلي مينجم ينبت كان في جنة كما تستور ، ملي تدخل في تستور عندك ماتكتشف من الجامع لكبير إلي عقارب ساعتوا  تدور بالعكس عكس ساعات العالم الكل وإلي الروايات الشعبية  تقول إلي الاندلسيين عمدوا اتلافها خوفاً من العين الحاسدة وذلك لاتقانهم لكل عمل يقومون به .

ومن الجامع لكبير كي تخرج يجذبك اللون الأحمر لون القرمود إلي معروفة به تستور ، والزخارف والنقوش إلي على شبابك الديار و الأرنج إلي مزروع في وسط كل دار ،والبرنس ومحلات الأجبان إلي تلقى فيها كل أنواع الجبن المصنوع يدوياً والي مطعمو مختلف على كل جبن وأنواعوا تحير الشاري تجذب كل عين ، ومننساوش البناضج  والكسالس إلي لازم تذوقهم كيف تمشيلها ، والقشبية الصوف الرزينة ورنات المالوف إلي تهزك العالم اخر بعيد .

في تستور عينك متستقرش في مكان واحد وكل متزيد خطوة تزيد إنبهار وتعجب خصوصاً خلال موسم الرمان وتكون محضوظ أكثر لو كان تزورها فترة مهرجان الرمان ولا مهرجان الزهر.

في تستور تمشي باش تعمل قهوة بنينة في  قهوة الجامع و فطور تونسي 100% في دار صبيح إلى موجودة تحديدا في الحارة قلب مدينة تستور , وتتعدى باش تروح بالجبن و الريقوتة و زيت الزيتون و متنساش عولتك مالعسل الحر و في الثنية تتعدا تاخو شوية زهر عولة العام .

 

4-زمبرة

زمبرة أو "الجزيرة العذراء "  تبعد على العاصمة تونس 65.5 كلم  مش بعيد على الهوارية بولاية نابل  نلقاوها ، جميلة وساحرة وصغيرة جزيرة تحظى بمخزون بيئي وحيواني كبير ، هي جزيرة غير متاحة للجميع فهي مقصد سياحي لمحبي الصيد والغوص في الأعماق وانشطتها تختلف عن جل الأماكن الاخرى بإعتبارها  تمتلك أثرى قاع بحري في المتوسط حيث تتكون من 149 نوع من الأعشاب البحرية ولها عمق 120 متر ، كما تتميز بإنتاج بالمرجان البرتقالي و فيها الحوت بمختلف أنواعو .

 
 
 
 
 
 
 
 
 
 
 
 
 
 
 

A post shared by Bader Lejmi (@baderdean)

زمبرة هي مقصد إستثنائي للي يحب البحر والسحر العذري , تمشي لزمبرة باش تسطاد أشهى أنواع الحوت و تمارس الفراغ الفكري , تمشي باش تغوص في أعماقها و تكتشف بحرها للناس إلى تحب الغوص كيما تمشي باش تتفرج في بحرها و تتمتع بنسمتها .

 

5- قرية سيدي مدين زغوان 

قرية سيدي مدين من ولاية زغوان مدينة بربرية تاريخية تحظى بطابع خاص ، تجي ورى جبل زغوان ,تمشي باش تقضي  رحلة مختلفة وفريدة بين أثار بربرية قديمة لا زالت ملامحها تروي قصة سكانها الذين خلو منذ قرون بائدة .

سيدي مدين تبعد على العاصمة تونس 65.5 كلم تعود تسميتها إلى إسم رجل صالح كان يلقب بمدين, تحظى بمعمار مختلف وأبعاد تاريخية وبئية وسياحية عظيمة لعشاق الحضارات،و التاريخ.

 

  في سيدي مدين تمشي باش تكتشف و تدور وتعدي نهير في طبيعة مختلفة بين خضار الأشجار و الهضاب الصخرية و الطقس إلى لا بارد لا سخون ,فطور في أحضان الطبيعة و نهير بين طروقاتها الصخرية الفريدة .



مقالات مشابهة